طلابنا بالهند يناشدون المعنيين بإعادتهم للوطن :لم نعد قادرين على شراء الطعام

0
4

دمشق – فاطمة ملحم |

ناشد طلابنا بالهند المعنيين بسوريا عبر موقعنا ارسال طائرة لإعادتهم الى الوطن وقال الطلاب بمعروض سننشره حرفيا :

أولا- صرلنا شهرين و نص محجورين بالسكن تبعنا لا طلعة و لا فوتة ولا دوام ولا دراسة

تانيا -المصاريف كتير ارتفعت بعد كورونا بسبب نقص البضاعة بالسوق

تالثا- الجامعات عم تقدم اكل بس اغلب الجامعات الوجبات فيها سيئة جدا و الطلاب عم يشتروا خضرة من البقاليات القريبة من الجامعة عن طريق التوصيل لان ما فيهن يطلعوا و يطبخوا لحالن

يعني مصروف الاكل صار عبئ كبير بهالفترة لان الجامعات عم تقدم شوية رز و بطاطا مسلوقة و مرقة بندورة على الطريقة الهندية معظمنا مافيه ياكلها.

رابعا -الاصابات بالهند عم تتزايد بشكل كتير كبير لحد اليوم صار العدد105000  اصابة و الحظر ما زال مفروض معناها بس يفتحو قديش رح يصير .

والمشكلة انو نحنا معانا موظفين و حراس و عاملات تنضيف و هدول كلن بيروحو على بيوتن و بيرجعو تاني يوم و طبعا معظمن من طبقة بسيطة و غير مثقفة ما بيعرفو لا يعقمو ولا ياخدو ادنى درجات الوقاية فممكن يجيبولنا المرض باي لحظة.

و اذا دخل الفيروس على السكن معناها كل السوريين رح ينصابو

خامسا -وعدونا بالاجلاء من شهر و جابو طلاب من روسيا و من ارمينيا و هدول شريحة تانية كلن و بعدها جابو كتير عالم من الإمارات و الكويت و السودان و غيرو ليش نحنا تركونا و ما عاد حدا حكا بموضوعنا

السفارة قدمت كل الاسماء اللي بدن ينزلو للجهات المختصة و بيطلعو حوالي 600 شخص والموضوع صار عند الحكومة المصغرة المعنية بالاجلاء

نقطة اخيرة كل الطلاب اللي اجو على الهند بداية العام الدراسي الحالي لم يقبضوا ولا روبية ولا اي شي و صرلن حوالي 10 شهور يعني وضعن الاقتصادي كتير سيء.